ഒന്നാംതരം കേരളാമുലകൾ

നൈറ്റ്‌ ക്ലബ്ബിൽ ഇന്നത്തെ 

ചർച്ച മുലകളെ കുറിച്ചാണ്.

ആരതി മേനോൻ, ജസീല അൻവർ 

തുടങ്ങിയ സഹപ്രവർത്തകർ 

കുട്ടിയുടുപ്പിട്ടു കുലുങ്ങിച്ചിരിക്കുന്ന 

ഗോളങ്ങൾ മാത്രമായി. 

ഇന്നലെ  

മുത്തങ്ങയിലെ ആദിവാസിക്കുടിലിൽ 

മൂക്കൊലിക്കുന്ന ഒരു 

പതിനാറുകാരിയെ കണ്ടിരുന്നു.
  

അവളുടെ വാരിയെല്ലുകളിൽ 

ചാരിവെച്ച   ശുഷ്കിച്ച കരിമുലകൾ 

എത്ര വെളിയിലിട്ടാലും നഗ്നമാകുന്നില്ല 

എന്ന  തിരിച്ചറിവ്  

ഒപ്പിയെടുക്കാൻ ശ്രമിക്കുമ്പോഴൊക്കെ

ഒരു കുഞ്ഞിൻറെ കോലം അത് 

ചപ്പിവലിക്കുന്നുണ്ടായിരുന്നു. 

ചർച്ച പുരോഗമിക്കുമ്പോൾ 

ഒരു നിമിഷം ഞാൻ 

ആരതീ മേനോനെ വലിച്ചു കുടിക്കുന്ന 

ആദിവാസിക്കുട്ടിയായി.

ചോരയുടെ കലർപ്പില്ലാത്ത രുചി 

തൊണ്ടയിൽ കുരുങ്ങി ശ്വാസം മുട്ടിയപ്പോൾ 

ഞാൻ ജസീല അൻവറിന്റെ 

മുലക്കണ്ണുകളിൽ ചുണ്ടു ചേർത്തു.

അപ്പോൾ അവൾക്ക് നിർത്താതെ 

മൂക്കൊലിക്കുന്നുണ്ടായിരുന്നു. 

മുലകൾ വെറും ബേബീഫീഡിംഗ് ബോട്ടിലുകൾ

മാത്രമാണെന്ന് പറഞ്ഞ 

സൗന്ദര്യ ബോധമില്ലാത്ത അരസികനെ 

ഇനിയും  എങ്ങനെയാണ് നിങ്ങൾ സഹിക്കുക?

ദയവു ചെയ്ത് ഈ ചർച്ച നമുക്ക് 

ഇവിടെ അവസാനിപ്പിക്കാം.